NÁMSKEIÐ NÁTTÚRUHLAUPA

Vornámskeið framundan!

Posted by Náttúruhlaup on 19. mars 2018

Um Náttúruhlaup

Nú er vornámskeiðið framundan. Hægt verður að skrá sig í stakt námskeið eða áskrift út árið 2018. Með áskriftinni er einnig haustnámskeiðið innifalið ásamt vikulegum hlaupaæfingum á milli námskeiða, peysu frá 66° Norður merkta Náttúrhlaupum og nafni viðkomandi ásamt öðrum góðum fríðindum. Athugið að ekki er hægt að uppfæra í áskrift eftir að námskeiðið er hafið. Það hefur m.a. með gjöfina að gera en við þurfum að vita hversu margir muni fá peysu.

  • Haustnámskeið (8 vikur, nákvæm dagsetning auglýst síðar), verð: 24.900 kr.

ATH! Hægt er að fá námskeiðin niðurgreidd hjá sumum stéttarfélögum. Bæði er hægt að nýta íþrótta- og námskeiðsstyrki.

Hvar og hvenær

Sameiginleg hlaup allra hópa verða á sunnudagsmorgnum eða kl. 17:20 á fimmtudögum.  Mismunandi er hvar við hittumst á aðalæfingunni en tilkynnt verður með tölvupósti og á lokaðri Facebook grúppu hvar æfingin verður í hvert skipti.

Aukaæfing verður alla þriðjudaga kl. 17:20 og byrjar við Ylströndina í Nauthólsvík. Þátttakendur á námskeiðum fá aukinn stuðning við að fylgja æfingaplaninu í góðum félagsskap og með aðstoð eins þjálfara. Á milli námskeiða geta áskrifendur auk þess mætt á gæðaæfingar á þriðjudögum til að viðhalda hlaupunum.

ATH! gæðaæfinarnar munu detta niður vegna sumarleyfa 15. júlí-1. september.

Hver þátttakandi ber sjálfur ábyrgð á að koma sér á staðinn og heim en það er um að gera að nota Facebook grúppuna til að sameinast í bíla. Reikna má með að hvert skipti taki 2-3 klst. með öllu en það fer eftir því hvaða leið er valin og hve langt þarf að keyra á staðinn.

Innifalið á námskeiðum

Námskeiðin eru einstök að því leyti að hlaupnar eru mismunandi leiðir á laugardögum í íslenskri náttúru á höfuðborgarsvæðinu eða í jöðrum þess. Fræðslukvöld er innifalið á hverju námskeiði og auk þess munu þjálfarar fræða jafnóðum. Æfingarplan er innifalið sem þátttakendur verða hvattir til að fara eftir milli þess sem við hlaupum saman. Kennd verður góð upphitun og æfingar sérhannaðar til að styrkja fyrir hlaup í náttúrunni. Vandaður bæklingur fylgir sem inniheldur æfingarnar og fleira. Einnig fá þátttakendur afslátt af fötum og skóm frá 66° Norður sem henta í náttúruhlaup.

Innifalið fyrir áskrifendur:

  • Tvö námskeið með einni sameiginlegri æfingu á laugardögum (eða í sumum tilfellum á fimmtudögum)
  • Vikulegar æfingar á þriðjudögum í Öskjuhlíðinni allt árið (ath. sumarfrí 15.07-1.9)
  • Fjölbreytt fræðslukvöld á hverju tímabili um ýmislegt sem tengist náttúruhlaupum, hlaupaheilsu og hamingju.
  • Lokaður Facebook hópur með upplýsingaflæði og hvatningu
  • Gjafabréf í dagsferð með Íslenskum Fjallaleiðsögumönnum
  • Gjöf merkt Náttúruhlaupum og afsláttur af hlaupavörum og La Sportiva skóm frá 66°Norður
  • Sérstakt verð á hlaupaferðum á vegum Náttúrúhlaupa

Bendum ykkur á að fylgjast með fréttum af Náttúruhlaupum á FACEBOOK

Fyrir frekari upplýsingar sendið tölvupóst á natturuhlaup @ arcticrunning.is


<script> (function(i,s,o,g,r,a,m){i['GoogleAnalyticsObject']=r;i[r]=i[r]||function(){ (i[r].q=i[r].q||[]).push(arguments)},i[r].l=1*new Date();a=s.createElement(o), m=s.getElementsByTagName(o)[0];a.async=1;a.src=g;m.parentNode.insertBefore(a,m) })(window,document,'script','//www.google-analytics.com/analytics.js','ga'); ga('create', 'UA-70393608-1', 'auto'); ga('send', 'pageview'); </script>