HÓPAR FYRIR ALLA!

Skipt er í þrjá hópa eftir getu og reynslu. Námskeiðin henta bæði algjörum byrjendum í hlaupum (guli hópurinn), þeim sem hafa eitthvað fiktað við hlaup (rauði hópurinn) og vana hlaupara sem vilja auka þol og færni sína á stígum og fjalllendi (svarti hópurinn).

Guli hópurinn er fyrir byrjendur sem hafa aldrei hlaupið en vilja læra það í fallegu umhverfi undir leiðsögn fagaðila. Það verður gengið og hlaupið til skiptis. Viðmiðunarmarkmið er að hlaupa stanslaust í hálftíma án vandræða í lok námskeiðsins. Einnig fyrir þátttakendur sem hafa áður hlaupið með gula hópnum og vilja gera það áfram.

Rauði hópurinn er fyrir fólk sem hefur eitthvað hlaupið en vill komast almennilega í gang undir leiðsöng fagaðila. Viðmiðunarmarkmið er að byggja upp þol og koma líkamanum í form til þess að hlaupa stanslaust í klukkutíma án vandræða eða meiðsla í lok námskeiðs. Yfirleitt er farið 6-10 km.

Svarti hópurinn er fyrir vana hlaupara sem vilja hlaupa fjölbreyttar leiðir í íslenskri náttúru undir leiðsöng ultra hlaupara. Yfirleitt verður vegalengdin 10-15 km. Gert er ráð fyrir að fólk sé í góðu hlaupaformi og hafa reynslu af lengri hlaupaæfingum.

 

Hlaupasamfélag Náttúruhlaupa

Þegar fólk hefur verið á a.m.k. einu námskeiði hjá okkur, fær það aðgang að hlaupasamfélagi Náttúruhlaupa, kjósi það að halda áfram að hlaupa með okkur. Við erum hægt og rólega að breyta og bæta rammann utan um hlaupasamfélagið til að vera farvegur fyrir þennan dásamlega lífstíl. Á vornámskeiðinu verður hlaupasamfélagið að mestu aðskilið frá námskeiðinu því þannig er betur hægt að mæta þörfum beggja hópa. Fólk sem hefur verið áður með okkur en tekið hlé, fer því beint inn í hlaupasamfélagið vilji það detta í gleðina á ný!

 
 
 
 
 
 
 
 
 
 
 
 
 

<script> (function(i,s,o,g,r,a,m){i['GoogleAnalyticsObject']=r;i[r]=i[r]||function(){ (i[r].q=i[r].q||[]).push(arguments)},i[r].l=1*new Date();a=s.createElement(o), m=s.getElementsByTagName(o)[0];a.async=1;a.src=g;m.parentNode.insertBefore(a,m) })(window,document,'script','//www.google-analytics.com/analytics.js','ga'); ga('create', 'UA-70393608-1', 'auto'); ga('send', 'pageview'); </script>